16 raste të reja me koronavirus janë shënuar në Shqipëri në 24 orët e fundit duke e çuar numrin total të të infektuarve në 377.
Zëvendësministrja e Shëndetësisë, Mira Rakacolli njoftoi në një deklaratë për shtypin se janë testuar 175 persona të dyshuar me COVID-19, prejt të cilëve 16 kanë rezuluar pozitivë.
30% e të prekurve janë shëruar sipas Rakacollit, që e përkthyer në shifra rezultojnë 116 persona që kanë fituar betejën me këtë virus vdekjeprurës. Ndërkohë 21 persona kanë humbur jetën nga virusi.
Gjithashtu janë testuar 11 persona nga personeli shëndetësor, të cilët kanë rezultuar të gjithë negativë nga COVID-19.
Shpërndarja gjeografike e rasteve pozitive, është si vijon:
– Tiranë 177 raste
– Durrës 38 raste
– Lushnje 5 raste
– Elbasan 10 raste
– Fier 26 raste
– Kavajë 8 raste
– Rrogozhinë 4 raste
– Korçë 16 raste
– Vlorë 5 raste
– Shkodër 44 raste
– Lezhë 14 raste
– Berat 2 rast
– Has 12 raste
– Krujë 5 raste
-Tropojë 4 raste
– Pukë 4 raste
– Mirditë 3 raste
