Një grua e moshuar në Vlorë ka bërë gjestin prekës për të shpëtuar jetë, tani që pandemia e koronavirusit ka pushtuar vendin tonë me 333 të prekur.
“Ora News” raporton se gruaja i dhuroi spitalit të Vlorës respiratorin që kishte blerë për djalin e saj i cili fatkeqësisht ndërroi jetë.
Aparatura e blerë vite më parë nga familja Idrizaj për djalin e sëmurë, nuk u përdor kurrë, por tashmë do të vihet në funksion për të sëmurët me COVID-19.
Ajo nuk ka kërkuar para për këtë respirator që kushton vërtet! Vlera e tij kap shifrën e 20 mijë eurove. Gruaja e cila shihet e veshur me të zeza, e humbi të birin, por me këtë gjest shpreson që të ndihmojë të tjera jetë!
