Marrëdhënia e tyre ka lëvizur me një shpejtësi të jashtëzakonshme, madje edhe me standardin e të famshmëve.
Dhe vetëm pas një muaj lidhje, Taylor Swift dhe Tom Hiddleston nuk kanë asnjë qëllim që ta ngadalësojnë, ndërsa miqtë e çiftit thonë se aktori britanik është gati për të ndërmarrë hapin tjetër të madh.
“Tom është gati që t’i propozojë shumë shpejt. Ajo do të thotë patjetër, “Po”, tha një burim i afërt për “Us Weekly”.
“Tom ka diskutuar për t’i propozuar Taylor”, shtoi burimi duke thënë se të dy duan fëmijë.
Burimet pranë këngëtares 26-vjeçare thanë se, Tom e ngriti në këmbë dhe ktheu besimin e saj që përrallat e romancës ekzistojnë.
Dyshja u pa për herë të parë më 14 qershor, ndërsa u fotografuan duke u përkëdhelur në një plazh në Rhode Island dhe që atëherë takuan familjet e njëri-tjetrit.
“Ai është shumë romantik, klasik dhe kavalier dhe ai po bën gjithçka në mënyrën e duhur”, tha burimi, duke shtuar se 35-vjeçari Tom është një ëndërr e bërë realitet për fituesen e 10 çmimeve Grammy.
Dhe ata nuk do të surprizohen nëse Tom do të shkojë dhe do t’i propozojë, pasi “gjithçka ka qenë e rastësishme dhe spontane” për çiftin deri tashmë.
Nëse e gjithë kjo historia është e vërteta, burimi duket se sapo i prishi surprizën aktorit!
Burimi: Daily Mail
