Tashmë është zyrtare! Maria Grazia Chiuri është punësuar si femra e parë drejtore kreative për Christian Dior, në hisotrinë 69-vjeçare të shtëpisë së modës franceze.
52-vjeçarja Chiuri la pozicionin e saj si bashkë-drejtore kreative e Valentino-s javën e kaluar. Koleksioni i saj i par për Dios do të shfaqet në fund të shtatorit në Paris.
Si liderja e shtatë kreative te Dior, Chiuri ndjek gjurmët e Yves Saint Laurent, Gianfranco Ferre dhe John Galliano, të cilët të gjithë shërbyen në krye të rolit të këtij seksioni te Dior. Paraardhësi i saj, Raf Simons, dha dorëheqjen në tetor.
Meshkujt tradicionalisht kanë mbajtur pozicionin në krye në shtëpinë më të madhe të modës në botë. Shefi ekzekutiv i Dior, Sidney Toledo, tha për “Wall Street Journal”, që të pasurit e një femre si lider e ekipit të dizajnit mund të ndihmojë të joshë klientët e Dior nga konkurrentët që kanë meshkujt në krye, si Gucci dhe Louis Vuitton
“Unë masë përgjegjësinë e madhe e të qenit gruaja e parë në krye të një shtëpie të rrënjosur kaq thellë në shprehjen e pastër të femërores. Mezi po pres të shpreh vizionin tim”, tha Chiuri për gazetën.
Burimi: Bizjournals
