Pas ndarjes nga Cozman, këngëtarja nga Shkupi, Altuna Sejdiu po shfaqet çdo herë e më provokuese. “Ylli” i hitit “Fenix” është single dhe është parë disa herë edhe me skena hot afër meshkujve.
Pak ditë më parë, Tuna dhe kolegu i saj, Ylli Limani u vunë në qendër të vëmendjes pasi mes tyre u aludua për një lidhje të mundshme. Ajo që provokoi këto “thashetheme”, ishte një foto shumë e afërt e tyre.
Menjëherë pas bujës në mediat rozë, ishte Ylli ai që i mohoi krejtësisht zërat duke thënë se mes tij dhe Tunës ka vetëm miqësi dhe se së shpejti ata të dy do të vijnë me një bashkëpunim në muzikë.
Por pas Ylli Limanit, një tjetër foto e Tunës u publikua, teksa provokon një tjetër mashkull. Bëhet fjalë për Arbër Bytyqin, i cili kujdeset për dukjen e këngëtares. Fotoja është shkëputur nga e njëjta mbrëmje ku Tuna shfaqej e përqafuar nga Ylli Limani.
Fotoja e dytë me Arbër Bytyqin-kuruesin e imazhit të saj, me të cilin po ashtu është fotografuar në skena provokuese, është një provë që Tuna nuk shqetësohet fare për thashethemet.
