Kryeministri Edi Rama vendosi të mbyllë kufijtë si masë të rreptë për të mos u përhapur Koronavirusi.
Kjo gjë ka sjellë një shqetësim për qytetarët, të cilët kanë shkruar në faqen e zyrtare të kryeministrit Edi Rama në Facebook dhe thonë se çfarë do të ndodhe me ata që u përfundojnë ditët e qëndrimit në zonën Schengen.
“Mirëmbrema Zoti Kryeminister Edi Rama! Po per te gjithe ata emigrantë qe i mbarojn ditet e pashaportë-s keto dite qe janë mbyllur doganat, dhe i bie qe te mari ‘gjobë’ 1200 €, sepse thyejnë ditet e qendrimit ne zonen Schengen, si do ti behet? Do beni ndonji marrëveshje me Kryeministrin Grekë per kete gje, sepse Greqia eshte i vetmi shtet qe vendos gjoba” shkruan një qytetar.
Ndërkohë, kryeministri i ka kthyer përgjigje duke i garantuar se nuk do të marrë asnjë gjobë.
“E drejte shume por nuk do ta lejojme te ndodhe”, thotë Edi Rama.
Përveç kufijve, kryeministri ka pezulluar edhe qarkullimin e makinave brenda vendit.
