Të gjithë e dimë se tualetet publike janë burim infeksionesh dhe shpesh përdorim letrën e tualetit si mbulesë për zonën ku do të ulemi.
Pra, nëse natën e keni bërë gjumin të qetë me idenë se jeni mbrojtur siç duhet, ju prezantojmë me makthin e radhës.
Kjo gjë duket se nuk ka aspak efektivitet, pasi ekspertët kanë zbuluar se mbulesa në dukje si ‘shpëtim jete’ nuk i pengon mikrobet dhe bakteret që të kalojnë në trup.
Kjo ndodh sepse bakteret dhe mikrobet janë mikroskopike dhe mund të kalojnë shumë lehtë në sipërfaqe.
Por mos u shqetësoni!
Studiuesi i shëndetit publik Kelly Reynolds tha për “USA Today” se rreziku i marrjes së infeksioni nga një ulëse e tualetit është shumë e pamundur.
Këtu përjashtohen rastet nëse keni ndonjë plagë të hapur në të cilën mundësia për t’u infektuar rritet.
Sipas tij, mënyra më e mirë për të shmangur infeksionet e mundshme nga tualetet publike është larja e duarve.
Kelly këshillon të gjithë që menjëherë pasi kanë përdorur një tualet publik të lajnë duart, pasi mikrobe që ju ngelen mund t’i kaloni në fytyrë ose në të gjitha zonat që prekni.
Burim tjetër mikrobesh është edhe kapaku i tualetit, i cili zakonisht qëndron hapur. Por kjo është shumë problematike pasi në momentin e shkarkimit të ujit përhapen mikrobe të shumta, prandaj kapaku i duhet të jetë gjithmonë i mbyllur.
Burimi: Health
