Imagjino sikur gjithçka në jetën tënde po kalon shkëlqyer! Je në makinë duke dëgjuar Springsteen dhe duke shkuar në një ndeshje futbolli me dy djemtë e tu kur një vajzë e panjohur del papritur dhe të thotë diçka që do të të shkatërrojë gjithë jetën tënde!
Kështu nis historia jonë këtë javë, në serialin e ri “The Stranger”, i cili është bazuar në romanin e Harlan Coben me të njëjtin titull.
Adam Price (Richard Armitage) është një avokat i martuar me Corinne (Dervla Kirwan) me të cilën ka dy djem. Një ditë, gruaja e tij mësuese, është jashtë qytetit në një konferencë dhe ai shkon të çojë djemtë në shkollë. Por pas ndeshjes, një vajzë misterioze me kapele bejsbolli i afrohet (Hannah John-Kamen), dhe i thotë se shtatzënia e Corinne-s dhe aborti i saj i ndodhur dy vjet më parë ishin inskenuar nga bashkëshortja e tij.
E huaja hedh bombën dhe largohet, ndërsa Adam i mbushur plot dyshime, nis të hetojë, ndërkohë që gruaja e tij është larg. Ai zbulon se karta e tij e kreditit është përdorur për të blerë disa produkte shtatzënie në një faqe online për ato gra që inskenojnë shtatzëninë. E kemi fjalën për teste shtatzënie pozitive, grafi bebi dhe bark fals, gjithçka për t’u dukur shtatzënë.
E gjitha kjo duket e çuditshme, por prapë – duket edhe reale. Kur ai përballet me Corinne-n, ajo nuk e mohon atë, por as nuk e sqaron. “Nuk është ajo që mendon”, thotë ajo: “Ka shumë gjëra të tjera”.
Më pas Corinne largohet, dhe i dërgon një mesazh Adam-it se ka nevojë për kohë, para se të flasin dhe të sqarojnë gjithçka. Por ditët kalojnë dhe ajo nuk duket gjëkundi. Adam nis të shqetësohet, pasi ajo nuk i kthen asnjë telefonatë as atij dhe as fëmijëve.
Ylli i serialit, Richard Armitage!
Personazhi kryesor i luajtur me mjeshtëri nga Richard Armitage, e bën edhe më interesant rrjedhën e ngjarjeve pasi mundohet të zgjidhë dilemën se çfarë i ka ndodhur gruas së tij, në një kohë që është tepër i zhgënjyer nga gënjeshtra e madhe e saj!
Armitage e kemi parë të thyejë zemra me serialin “North and South” si John Thornton që dashurohet pas Margaret Hale, dhe e kemi parë gjithashtu të vrasë monstra si Thorin në Hobbit, por roli i ri sjell një Richard ndryshe!
Por as Adam nuk është pa faj në këtë mes!
Çfarë ndodhi dy vite më parë, që e detyroi Corinne-n që të inskenonte shtatzëninë?
Në një moment kur Adam i kërkon llogari bashkëshortes për gënjeshtrën, ajo i thotë: “Të gjithë kemi sekrete, edhe ti ke!”!
Dhe sikur të mos mjaftonte i gjithë ky mister, si zhdukja e Corinne-s me gjithë sekretet e saj, vajza me kapele bejsbolli vijon të përndjekë personazhet kryesore të filmit, duke ju zbuluar atyre sekretet më të mëdha që fshehin thellë në shpirt!
Përse e bën ajo një gjë të tillë? Të jenë paratë përfitimi kryesor?
https://www.instagram.com/p/B8Uney2hm98/
Më pas një seri ngjarjesh të mbinatyrshme ndodhin. Një djalë i ri që vrapon nudo natën në pyll, pas e ndjek dikush! Një kafshë alpacha (nga familja e Lamës) gjendet në qytet e ngordhur pasi dikush i ka prerë kokën dhe në skenë shfaqen dy efektivët Johanna Griffin (Siobhan Finneran) dhe partneri i saj Wes (Kadiff Kirwan).
Ata gjejnë në pyll një shok shkolle të fëmijëve të Adam, i cili është në gjendje kritike për jetën. Duke i kontrolluar atij kompjuterin, në përpjekje pë të zbuluar se çfarë ndodhi, dy efektivët i gjejnë atij foto dhe video të Corinne-s të filmuara pa dijeninë e saj!
Vajza me kapele bejsbolli shfaqet sërish, këtë herë i afrohet shoqes së ngushtë të dedektives për t’i thënë se vajza e saj punon në një faqe pornografike, dhe e shantazhon atë se do t’i bëjë publike fotot e saj nëse nuk merr paratë që do!
https://www.instagram.com/p/B7xaLkrlSZd/
