Kanë kaluar rreth dy muaj që kur u zbulua Koronavirusi vdekjeprurës në qytetin kinez Wuhan, dhe pothuajse çdo vend dhe territor në Azinë Lindore ka konfirmuar një rast infektimi.
Por jo Koreja e Veriut.
Një nga vendet më të varfra në botë, ka arritur të shmangë virusin pavarësisht faktit se është në kufi me Kinën, ku kanë vdekur më shumë se 600 njerëz dhe janë infektuar më shumë se 31,000.
Më shumë se 300 njerëz kanë dalë pozitivë me virus në mbi 25 vende në të gjithë botën – përfshirë dy vendet e tjera që ndajnë një kufi tokësor me Korenë e Veriut, Rusia dhe Koreja e Jugut.
Në fakt, çdo vend dhe territor brenda një rrezeje prej 1.500 milje të Koresë së Veriut, përveç Mongolisë me popullsi të rrallë, ka konfirmuar një rast.
CNN shkruan se është e paqartë se si Koreja e Veriut ka arritur të shmangë virusin. Pyongyang ose ka qenë shumë me fat, ose nuk po thotë diçka.
Vendi nuk ka pranuar publikisht asnjë pacient të konfirmuar me Koronavirusi, por Nam Sung-wook, një profesor në Universitetin e Koresë i cili më parë shërbeu si kryetar i Shërbimit Kombëtar të Inteligjencës së Koresë së Jugut (NIS), tha se është shumë e mundur që dikush brenda Koresë së Veriut – një vend me 25 milionë njerëz – të jetë infektuar.
Studiuesit ende po përpiqen të përcaktojnë se si përhapet virusi, por nuk besohet të jetë përmes ajërit. Është gjithashtu e paqartë nëse nëse pacientët e infektuar pa simptoma mund ta kalojnë atë tek të tjerët.
/CNN
