Prokuroria e Tiranës ka kërkuar dënimin me 3.6 vite burg për Albert Veliun, i njohur ndryshe si “Babalja”, 3 vite për Fredi Alizotin, si dhe 1.6 vite burg për ish-deputetin Ervin Salianji dhe 1 vit për gazetarin Jetmir Olldashi.
Kërkesa lidhet me botimin e dy audioregjistrimeve të PD-së, përmes së cilave supozohej se vëllai i ministrit të Brendshëm aso kohe, Fatmir Xhafaj, Agroni ishte i përfshirë në trafikimin e lëndëve narkotike.
Çështja u quajt “Babalja”, pasi dëshmitari i Partisë Demokratike, i cili ishte i përfshirë në audioregjistrime, thirrej në to me pseudonimin ‘Babale”.
Nga ekspertiza që i është bërë kampionit të zërit, ai që dëgjohet në audio është i Agron Xhafajt, por i Alizotit, i cili pranonte se kishte imituar zërin e vëllait të ministrit, pasi iu ishin premtuar 200 mijë euro nga deputeti me mbiemrin Salianji.
Ish-deputeti s’do të bëjë asnjë ditë burg, pasi dënimi do të konvertohet në 3 vite shërbim prove.
Ndërsa për gazetarin Jetmir Olldashi organi i akuzës kërkoi 1 vit burg, që do të konvertohet në 200 orë punë të detyruar.
Prokuroria doli në konkluzionin se regjistrimet ku flitej për pazare droge nuk janë origjinale.
/Gazeta Reforma
