Princi Harry takoi të 65 konkurrentët e ekipit të lojërave Invictus dhe sigurisht që kjo nuk mund të kalonte pa incidente.
Një konkurrente, e quajtur Lynsey Kelly, 35 vjeç, u bë e kuqe flakë kur vuri dorën pak më poshtë belit të princit për një foto.
Reagimi i saj ishte mjaft spontan kur bërtiti: “Oh jo, dora ime ka ngecur në të pasmet e Princit Harry!”
Harry, i cili ishte në një formë të shkëlqyer, qeshi me të madhe kur kjo ndodhi.
“Ai thjesht qeshi, fatmirësisht. Është shumë miqësor. Është shumë normal, ish-ushtarak, ai na njeh ne dhe e kupton këtë që po flasim”, u shpreh Kelly për Daily Mail.
Fatmirësisht, Meghan nuk ishte e pranishme kur kjo ndodhi!
Princi përshëndeti secilin nga pjesëmarrësit që do të garojnë në emër të Mbretërisë së Bashkuar në Hagë vitin e ardhshëm.
Një grup prej 65 sportistësh u mblodhën së bashku në këtë aktivitet në Londër pasi u zgjodhën për të garuar në Holandë vitin e ardhshëm.
