Pak më parë, Ministrja e Arsimit, Besa Shahini, ka njoftuar se në qarqet Tiranë, Durrës dhe Elbasan do të pezullohet mësimi.
Ky vendim vjen si pasojë e dëmtimit të shkollave nga tërmeti i fuqishëm që ra në vendin tonë.
“Duke e marrë këtë situatë parasysh, si dhe duke dëgjuar me shumë respekt sugjerimet e psiokologëve të ndryshëm që na kanë kontaktuar dje dhe sot, kemi vendosur që: Dita e nesërme për të gjithë nxënësit e Tiranës, Durrësit dhe Elbasanit, TË JETË DITË PUSHIMI! Ditë pushimi të jetë njëkohësisht edhe për prindërit e nxënësve të shkollave 9-vjecare, të cilët punojnë në administratë shtetërore.”- u shpreh Ministrja.
“Për fatin tonë të mirë, janë vetëm dy objekte shkollore që kanë pësuar dëmtime në masën që të mos jetë e sigurt hapja e shkollës të hënën. Një nga këto shkolla është klasë vartëse e shkollës qendër “Berxullë”, me numër të vogël nxënësish të cilëve do t’i sigurohet transporti për t’i dërguar në shkollën qendër. Ndërsa shkolla tjetër, është prapë shkollë vartëse në Tiranë, por do të bëjmë njoftimin për këtë shkollë pasi të marrim konfirmimin final nga Bashkia Tiranë për gjendjen e saj.”- shtoi Shahini.
Sipas bilancit të bërë, 98 shkolla të tjera kanë pësuar dëmtime në ambientet e brendshme apo të jashtme.
Burimi: Lapsi.al
