Ajo u bë nënë për herë të parë në moshën 25-vjeçare, ndërsa sot feston ditëlindjen e parë si të tillë. Këngëtarja me origjinë nga Kosova, Argjentina Ramosaj feston sot ditëlindjen e saj të 26-të.
Vitin e kaluar ajo e kurorëzoi dashurinë e saj me Dukagjin Fetahun në martesë ndërkohë që ishte shtatzënë me djalin e saj Noah.
Sot mori një urim publik nga bashkëshorti i saj, i cili postoi një foto të tyre në profilin e tij në “Instagram”, duke i bashkangjitur kësaj fotoje një nënshkrim.
“Momentin e parë që të kam takuar e kam ditur që beqarisë time i erdhi fundi. Je një njeri i mrekullueshëm dhe mbi të gjitha je një nënë shumë e përkushtuar dhe jam njeri me fat që të kam pjesë të jetës time…Urime datëlindja, të dua shumë”, shkruan Dukagjin Fetahu.
Çifti nuk e fsheh prej kohësh dashurinë përmes publikimit të fotografive dhe deklaratave.
