Sot shënohet dita e nëntë e protestës së studentëve, të cilët tashmë janë bërë bashkë dhe kanë rrethuar anembanë Kuvendin, ku do të mbahet seanca plenare.
Studentët e kanë nisur marshimin nga sheshi “Nënë Tereza” me libra e Kushtetutë në duar, për t’u ndalur pikërisht në institucionin ku pritet që pas pak të hyjnë deputetët.
Në vendngjarje kanë mbërritur forca të shumta policie, të cilat u kanë bërë thirrje studentëve që të mbajnë distancë pasi është krijuar një kordon i dytë policor.
Kryeministri Edi Rama ka bërë thirrje për dialog, megjithatë, studentët vazhdojnë të jenë të prerë në refuzimin e tyre me pretekstin se nuk duan të negociojnë asnjë nga 8 pikat e kërkuara.
