Një foshnjë u gjet e pajetë ditën e sotme në një kosh plehrash në qytetin e Lushnjës. Pas njoftimit për ngjarjen, policia bëri të mundur gjetjen e nënës së të sapolindurës.
Sipas njoftimit zyrtar të policisë, nëna është A. Nexha dhe ajo e solli në jetë foshnjën që u gjet e pajetë, vetëm 2 ditë më parë. Foshnja e braktisur në koshin e mbeturinave ishte e seksit femër.
Nga të dhënat e policisë mësohet se, e ëma e braktisi për shkak të kushteve të vështira ekonomike, ndërsa raportohet se kishte dhe 3 fëmijët të tjerë.
Policia shoqëroi 32-vjeçaren në Komisariatin e Policisë, ku do të bëhet edhe sqarimi i rrethanave të ngjarjes së tmerrshme.
E sapolindura mësohet se u gjet nga disa fëmijë endacakë, të cilët më pas njoftuan persona të tjerë që vunë në dijeni uniformat blu.
