Një sulm me molotov është shënuar sot në një zyrë turistike shqiptare në qendër të Athinës.
Ngjarja ka ndodhur orët e para të mëngjesit të sotëm sipas “protothema.gr” dhe policia dyshon se sulmi lidhet me vdekjen e 35-vjeçarit Konstantinos Katsifas.
Zyra turistike shqiptare ndodhet në qendër të Athinës, në rrugën 31-33 Deligianni pranë stacionit Larissis. Sipas burimeve fillestare, autorët kanë hedhur bombën në fasadën e dyqanit. Kompania operon në fushën e linjave ndërkombëtare të autobusëve, duke transportuar mbi 140,000 pasagjerë në vit në Avlona dhe Himarë.
Në Greqi ka pasur mjaft trazira pas vrasjes së ushtarit grek nga RENEA në qytetin e Gjirokastrës. Një përleshje e përgjakshme ndodhi mes një grupi grekësh dhe shqiptarësh pak para orës 2 të mëngjesit të djeshëm, në periferi të Athinës. Pas vrasjes së të riut, i cili hapi zjarr mbi policinë shqiptare, në Athinë u mbajtën protesta para ambasadës së Shqipërisë.
Mediat fqinje raportojnë se u bllokuan edhe rrugët përreth ambasadës, ndërsa tonet janë shumë të ashpra në adresë të shqiptarëve. Të dielën, Konstantinos Kacifa hapi zjarr ndaj efektivëve të policisë shqiptare me breshëri për më shumë se 30 minuta kur u rrethua nga RENEA dhe terrorizoi qytetin e Gjirokastrës për 5 orë.
35-vjeçari ishte pjesë e batalionit të Forcave Speciale të Forcës Tokësore, ndërsa pas lokalizimit nga policia në Bularat nuk iu bind urdhrit për të hedhur armën, por qëlloi në drejtim të uniformave blu dhe në këtë moment RENEA e ekzekutoi duke e qëlluar në kokë dhe në gjoks.
/Iconstyle.al
