Një person humbi jetën në orët e para të mëngjesit të kësaj të mërkure, në dhomën e paraburgimit.
Viktima Dritan Rica, 45 vjeç, humbi jetën në dhomat e Komisariatit Nr. 3 në kryeqytet, rreth orës 4:45.
Sipas njoftimit të policisë, nga këqyrja paraprake e trupit nuk rezulton që viktima të ketë shenja në trup. Paraprakisht sipas uniformave blu dyshohet se, vdekja ka ardhur si pasojë e një arresti kardiak.
Burime për “BalkanWeb” thonë se, viktima ishte ndaluar për akuzën e vjedhjes. 45-vjecari u dërgua te Urgjenca e Tiranës, por nuk mundi të shpëtonte. Pritet raporti i mjekut ligjor për përcaktimin e shkakut të vdekjes.
Burimi: BalkanWeb
