Armina Mevlani ka takuar idhullin e saj më të madh dhe ka realizuar një foto me të për ta shpërndarë në Instagram.
Bëhet fjalë për ikonën e burlesque, Dita Von Teese, me të cilën Armina besohet se është takuar gjatë performancës së saj në Zvicër. Dita Von Teese është një yll që njihet në SHBA si balerinë, modele, këngëtare dhe aktore.
Në një sërë postimesh në Intagram Armina tregon se dëshira për t’i ngjarë Von Teese dhe për të pasur stilin e saj, ka lindur që në moshën 18-vjeçare.
Që prej asaj kohe Armina u fiksua pas modës së viteve ’40-’50 me veshjet që theksonin belin e hollë, buzët e kuqe dhe flokët me onde.
Prej vitesh ajo është përpjekur të ketë një stil të ngjashëm dhe më në fund blogerja shqiptare ka realizuar ëndrrën duke e takuar nga afër idhullin.
“Dhe ja ku jemi. Unë dhe diva”, shkruan ajo në Instastory.
