Modelja shqiptare, Emina Çunmulaj dhe multimilioneri iranian, Sam Nazarian, sollën në jetë fëmijën e tyre të parë.
Emina vazhdimisht ka kënaqur ndjekësit e saj në “Instagram” me foto, teksa shijonte ditët e fundit të shtatzënisë, në pritjen e saj të ëmbël.
Të martën, profili i modeles shqiptare Emina Çunmulaj është zbukuruar akoma më shumë pasi vetëm pak minuta më parë është postuar fotografia e parë e vogëlushes të sapoardhur në jetë.
Emina ka publikuar një foto të familjes së saj të re, ku shihet së bashku me bashkëshortin dhe vajzën, të cilën ka vendosur ta quajë Ella Faria Nazarian.
Ajo kurorëzoi dashurinë e saj në maj të 2015-s me multimilionerin amerikan me prejardhje iraniane, në një ceremoni luksoze në Meksikë.
