Ambasada shqiptare në Greqi ka dhënë një lajm të mirë për të gjithë emigrantët shqiptarë që humbën apo pësuan dëmtime të dokumenteve të identifikimit gjatë zjarreve që ranë në Greqi.
Shpenzimet do tu mbulohen nga ambasada shqiptare në Athinë, thuhet në njoftimin e bërë nga ambasada në Facebook.
“Njoftojmë shtetasit shqiptarë të cilët humbën apo iu dëmtua dokumentacioni identifikues (pasaportë – kartë identiteti) gjatë zjarreve të 23 korril në – Attiki se me vendim të Ministrit z. Ditmir Bushati, të gjitha shpenzimet administrative për zëvendësimin e tyre do të mbulohet nga Ambasada e Republikës së Shqipërisë në Athinë”, thuhet në njoftimin e ambasadës shqiptare në Athinë, në Facebook.
Të interesuarit mund të drejtohen për fillimin e procedurave të aplikimeve për pasaportë ambasadës shqiptare atje. Ndërkohë që në dispozicion nga autoritetet shqiptare në Greqi është vendosur dhe numri i telefonit: 210-6876215.
