Ditën e sotme u luajt ndeshja Suedi-Zvicër, e cila përfundoi me rezultatin 1-0. Pas kësaj humbje të Zvicrës portali britanik “joe.uk” i ka kushtuar një artikull futbollistit shqiptar, Granit Xhakës, ku vë në dukje se mbrojtja e tij ishte shumë e dobët.
“Zvicra u eleminuar nga Botërori. Ata nuk mund të gjenin një mënyrë për të mposhtur një ekip suedez kokëfortë dhe të mirë organizuar. Goli i Forsberg pas 66 minutash i dha skandinavëve një fitore dhe një vend në çerekfinale kundër Kolumbisë ose Anglisë. Suedia u ndihmua të shënonte gol nga një mbrojtje shumë e dobët e Granit Xhakës.
Mesfushori i Arsenalit dhuroi një nga golat e turneut në ndeshjen kundër Serbisë dhe është një lojtar kyç për Zvicrën, por ai ishte shumë keq për golin e Forsberg.
Xhaka u zhyt në një sfidë dhe përfundoi duke i dhënë hapësirë mesfushorit suedez që të driblonte dhe të shënonte.
Ishte një gabim i kushtueshëm që ishte krejtësisht i shmangshëm, por ndoshta nuk duhet të habitemi shumë. Sezonin e kaluar, Xhaka kruante hundën teksa Tom Celeverley shënoi”, shkruante portal britanik.
