Mëngjesin e ditës së sotme në tregun e Milotit ndodhi një ngjarje që tronditi mbarë opinionin. 35-vjeçarja Violeta Donaj qëlloi me 4 plumba bashkëshortin e saj 42 vjeçar, Kujtim Donaj.
Në dëshminë që ajo dha në polici u shpreh se e vrau bashkëshortin për motive xhelozie.
“Krimin e kam kryer për motive xhelozie, pasi bashkëshorti më tradhtonte”, mësohet të jetë shprehur Violeta në polici.
Ndërkohë që fotoja e 35-vjeçares u publikua që në orët e para të mëngjesit, fotoja e viktimës u publikua mbasditen e sotme nga “Newsbomb”. Tashmë bëhet e ditur se familjarët e Kujtimit kanë hapur dyert e mortit.
Violeta dhe Kujtimi kishin edhe dy fëmijë dhe ata shisnin çdo të diel në tregun e Milotit për të siguruar të ardhura për familjen e tyre.
