Tronditet komuniteti: Babai rreh për vdekje të birin 14-vjeçar pasi shpenzoi paratë pa lejen e tij

Një ngjarje tronditëse ka ndodhur në Kamenicë të Kosovës. Një 14-vjeçar ka humbur jetën si pasojë e dhunës së ushtruar nga i ati.

Shtetasi G.B  e ka rrahur djalin e tij dhe pas 6 orësh e ka dërguar në Qendrën Mjekësore Familjare.

Lexo edhe :

Jeta po përmirësohet dukshëm për këto shenja të zodiakut në ditët në vijim

13:02 07/04/26

Të shtëna me armë pranë konsullatës izraelite në Stamboll, disa të plagosur

12:13 07/04/26

Policia e Kosovës bën me dije se 14-vjeçari mbërriti në Qendrën Mjekësore Familjare në Kamenicë pa shenja jete.

“Pas hetimeve të para në vendin e ngjarjes nga njësitë e hetimeve rajonale të Policisë së Kosovës dhe Prokurori i shtetit, dyshohet se si pasojë e dhunës fizike, rrahjes së ushtruar nga i dyshuari, prindi i viktimës G.B, shqiptar shtetas i Kosovës, i lindur më 1958, si pasojë e goditjeve me mjete të forta, besohet shkop druri, fëmija ka ndërruar jetë”, thuhet në njoftimin e Policisë.

Besohet se motivet e kësaj ngjarje lidhen me faktin se fëmija kishte shpenzuar disa para të prindit pa dijeninë e tij.

Burimi: Ballkanweb