E gjithë vëmendja ishte dje të “Oscar”, çfarë veshën ata që shkelën në tapetin e kuq apo cilët do të ishin triumfuesit e mbrëmjes. Aktorët na treguan që në fillim të ditës së diel, përgatitjet për një nga netët më të rëndësishme të kinematografisë në botë.
Dhe po është ashtu siç mendojmë të gjithë, ndonjëherë nuk të del koha as për t’u ushqyer.
Këngëtarja shqiptare Bebe Rexha ishte pjesë e darkës së “Oscar”, e organizuar nga “Vanity Fair” dhe “Apple Music”.
E veshur me një stil ndryshe nga sa jemi mësuar deri më tani, Rexha kishte zgjedhur një fustan të lirshëm të kuq, në vend të një fustani të ngushtë pas trupit.
Fustani me detajet e dantellës dhe tylit ishte një zgjedhje perfekte për eventin, por ndoshta shumë prej jush e kishte mendjen te pjata që mbante përpara këngëtarja.
Nëse pyesnit veten, ju themi që po, në evente të tilla të famshmit ushqehen dhe shëndetshëm madje.
Bebe Rexha vendosi të tregonte me foto momentin më “interesant”, kur ajo ishte duke ngrënë me fustanin e mahnitëshm.
Por ndjekësit e saj duket se e kanë pasur mendjen diku tjetër, pasi dalluan një detaj në foton e saj: celularin “Blackberry”.
Disa prej tyre e pyesin nëse ajo ka vërtetë një celular “Blackberry”, ndërsa të tjerëve nuk po ju besohet që një e famshme mban një telefon të kësaj marke.
