Në 2017-n u shpall aktorja më e mirë, pasi fitoi Oscar për rolin e saj në filmin “La La Land”.
Emma Stone u rikthye sërish këtë vit në tapetin e kuq, por shumë më ndryshe se një vit më parë. 29-vjeçarja u paraqit në Teatrin Dolby në Hollivud të dielën, e veshur me një kostum të Louis Vuitton për shfaqjen e çmimeve.
Beteja e sekseve meshkuj-femra duket se kishte ndikuar te aktorja për zgjedhjen e veshjes për një nga netët më të rëndësishme të kinematofgrafisë.
E veshur me një xhaketë vishnjë, Emma ksihte një fjongo rozë në belin e saj të hollë që e kishte kombinuar me pantallona të thjeshta të zeza dhe taka po të zeza.
Aktorja, emri i plotë i së cilës është Emily Rose Stone, kishte realizuar një makijazh natyral dhe me flokët e lëshuara të drejta.
Ajo vërtetoi se nuk duhet të kesh veshur në fustan për t’u dukur elegante dhe kaq bukur, edhe nëse je femër.
