Moderatori i edicionit të 90-të të “Oscar”, Jimmy Kimmel, nuk përmendi fare Presidentin Donald Trump, duke iu përkushtuar vetëm lëvizjes #MeToo dhe #TimesUP, në mbrojtje të viktimave të ngacmimeve seksuale në “Hollywood”.
Ai iu drejtua statusjës së Oscar-it në skenë dhe tha se është mashkulli perfekt i “Hollywood”-it.
“Oscar është burri më i dashur dhe më i respektuar në Hollywood. Dhe ka një arsye të mirë për këtë. Thjesht shikojeni. I mban duart aty ku mund t’i shohësh, nuk ka thënë kurrë një fjalë të keqe dhe ç’është më e rëndësishmja, nuk ka penis fare. Është praktikisht një statujë limitesh. Dhe ky lloj burri na duhet në jetë”, tha me shaka Kimmel.
Ai u drejtua për filmin “The Shape of Water” duke thënë se, “prezanton vitin kur meshkujt e kanë djallosur aq keq, sa femrat kanë nisur të shkojnë me peshqit”.
Kimmel diskutoi rreth producentit Harvey Weinstein, që u përjashtua nga Akademia vitin e kaluar pas disa akuzash për skandale seksuale.
“Ajo që ndodhi me Harvey-n, çfarë po ndodh gjithandej, ishte diçka që duhet të kishte ndodhur prej kohësh. Nuk mund të lejojmë që sjellja e keqe të na shpëtojë. Bota i ka sytë nga ne. Duhet të vendosim një shembull”, tha Kimmel.
Burimi: The Wrap
