15 janari është dita më e trishtë e vitit. Sipas algoritmit të psikologut anglez Cliff Arnal do të jetë një ditë vërtetë e zymtë. Do të ndihemi të demotivuar, si të mbytur dhe pa asnjë lloj pritshmërie. Nëse shumica prej jush do të ndihet vërtet kështu, mos u shqetësoni është vetëm efekti i parashikuar i një dite jo të mirë.
Fundi i festave, fundjava e sapo mbyllur dhe nisja e vitit të ri do t’i mbledhin energjitë pikërisht sot për të na bërë ditën edhe më të zymtë.
Por ne dimë si ta mundni!
Siç të gjithë e dini, ushqimi është një hakmarrje shumë e mirë. Planifikoni të hani gjëra të mira sot dhe të mos shqetësoheni fare për dietën.
Nëse keni kohë, përgatisni ëmbëlsira në shtëpi, hani çokollatë, torta me krem, fruta të thata e çfarë t’iu shkojë në mend. Shihni filma të mirë dhe pini verë nga ajo që ju pëlqen më shumë. Të shohim kush është më e fortë, ne apo e hëna?!
