Gazetarja e njohur e emisionit “Pasditja ime” në “TVSH” nuk do të jetë më pjesë e këtij televizioni. Erjona Rusi moderonte çdo të hënë emisionin e pasdites në “TVSH”, por është larguar pasi ka vendosur të rikthehet në televizionin ku ka punuar edhe më parë.
“Për mua, ishte një eksperiencë shumë e bukur, mësova shumë dhe sfidova veten në një format që nuk e kisha provuar më parë. Sa mirë ja dola? Për këtë duhet të pyesim publikun. Por tani kam vendosur të nis një tjetër lloj sfide edhe më të madhe”, ka thënë Erjona për “Express”.
Gazetarja e njohur ka thënë gjithashtu se do të rikthehet në televizionin “Report Tv” aty ku më parë ka punuar prej 3 vitesh si spikere lajmesh. Tashmë ajo do të marr drejtimin e edicionit qëndror të lajmeve çdo mbrëmje në orën 18:00.
