Moderatorja Viola Spiro prej kohësh kishte bërë publike faktin se ndodhej në një lidhje me një djalë, i cili ishte në gjendje të mirë financiare.
Dukej se Viola e mbante me rigorozitet të fshehur identitetin e të dashurit të saj pasanik, dhe me sa duket për një arsye mjaft të fortë. Asgjë nuk dihej për këtë djalë nga mediat përveç ndonjë fotoje të rrallë të publikuar.
Ai quhet Valentin Selaj dhe identiteti i tij u mësua vetëm pas arrestit.
Në një shkrim të bërë nga gazeta italiane La Nazione, thuhet se Valentin Selaj ishte “Zoti i drogës” dhe kreu i një bande mjaft të fuqishme ndërkombëtare që sillte kokainë nga Amerika në Firenze nëpërmjet Holandës. Por jo vetëm kaq, banda merrej edhe me prostitucion dhe dhunë sipas gazetës italiane.
Gjatë arrestimit, rapotohet se bandës i janë sekuestruar miliona euro dhe qindra kilogramë kokainë dhe drogëra të tjera. Raportohet se vetëm në një javë ata qarkullonin 10 kg kokainë vetëm brenda qytetit të Firenzes.
Ka qenë pikërisht kjo gazetë e cila ndër të tjera ka nxjerrë edhe lajmin se e dashura seksi e bosit të kokainës ishte bukuroshja e ekraneve shqiptare, Viola Spiro./ JOQ
