Pavarësisht se ka lënë ekipin e Kombëtares shqiptare në futboll, ai mbetet i lidhur emocionalisht më Shqipërinë.
Ish-trajneri i Kombëtares shqiptare, italiani Gianni De Biasi, ka ushtruar sot të drejtën e tij si shtetas shqiptar duke votuar në zgjedhjet parlamentare 2017.
Ai është i regjistruar si banor i Njësisë 3 në Tiranë dhe ka votuar në qendrën e votimit të shkollës 9-vjeçare “Kongresi i Lushnjës”.
“Kam 5 vjet që jetoj në Shqipëri. E njoh shumë mirë dinamikën e këtij vendi. Nëse nuk më përzini do të jem ende shtetas shqiptar. Isha i qartë në idetë e mia përpara se të votoja. Faleminderit!”, tha De Biasi përpara gazetarëve.
