Jemi në një ditë feste dhe zgjedhjeje. Është Bajram, dita e zgjedhjeve vendore dhe e diel dasme, për të gjithë ata që kishin vendosur ditën e kurorëzimit të dashurisë shumë kohë para se ta caktonte politika shqiptare.
Ndaj Flutura Xhameta, votuese në njësinë nr. 6, vendosi që sot të mos braktiste as dasmën, as votimet. E veshur me fustan nusërie, ajo shkoi në qendrën e votimit dhe votoi, teksa shoqëruesja i mbante bishtin e fustanit.
“Panorama” shkruan se në zgjedhjet e kaluara, 4 vite më parë, Flutura ka qenë komisionere e LSI-së në po të njëjtën qendër votimi.
