Prej kohësh përfliten për një lidhje, ndërkohë që veprimi i fundit i Kanye West i ka hedhur edhe më shumë benzinë zjarrit.
Disa ditë më parë bëri xhiron e rrjetit lajmi se reperi dhe Candice Swanepoel janë çifti më i ri i showbiz-it. Ndonëse asnjëra nga palët nuk ka deklaruar diçka zyrtare, postimet e tyre në Instagram vetëm sa iu japin zë thashethemeve që ekzistojnë.
Së fundmi West ka ndarë në story-n e tij një postim të modeles, e cila ka pozuar për fushatën e re të Kanye, YZY SHDZ.
Rastësisht, Candice sapo ka pozuar edhe për fushatën SKIMS të Kim Kardashian së bashku me disa modele të tjera ikonike.
“Kanye dhe Candice janë në lidhje dhe marrëdhënia e tyre është e re. Ata e pëlqejnë njëri-tjetrin dhe janë të kënaqur me mënyrën se si gjërat po shkojnë deri tani. Ata janë lidhur me modën dhe kreativitetin. Kanye është i emocionuar për Candice”, tha një burim për Entertainment Tonight.
Një burim tjetër i tha Page Six se dy yjet janë “bashkë”, gjithçka është një marrëdhënie marketingu për fushatën e re. Ndërkohë ish-i i tij, Kim Kardashian prej pak kohësh është beqare, pasi i dha fund romancës me Pete Davidson.
Kardashian, bëri kërkesë për divorc nga West, në shkurt 2021 pas gati shtatë vitesh martesë. Ish-çifti, i cili u shpallën ligjërisht beqarë në mars të këtij viti. Kanye dhe Kim kanë katër fëmijë: North, 9, Saint, 6, Chicago, 4, dhe Psalm, 3.
