Teksa Presidenti i Shteteve të Bashkuara të Amerikës, ka ndaluar hyrjen e refugjatëve nga shtatë shtete të ndryshme, “The Telegraph” ka renditur 7 femrat që kanë qenë refugjatë, por ia kanë dalë të triumfojnë dhe të bëhen një shembull frymëzimi për të gjithë.
Me skëtyre shembujve është dhe këngëtarja me origjinë shqiptare, Rita Ora, e cila cilësohet si një yll televizioni, dizajnuese mode dhe fituese e shumë çmimeve ndërkombëtare.
“Rita Ora la Kosovën me familjen kur ishte 1 vjeç, pas persekutimit të shqiptarëve në vendin e tyre. Ajo ka nxjerrë 4 këngë të suksesshme në Mbretërinë e Bashkuar dhe ka lançuar bashkëpunimet me dizajnues të markave si Adidas dhe Rimmel.
Pjesë e kësaj liste është edhe ish-sekretarja amerikane Madeleine Albright, e cila ka prejardhje pre Çekisë dhe ka qenë e suksesshme.
Shkrimtarja Judith Kerr që erdhi nga Gjermania naziste ku persekutohej sepse ishte hebre.
Yusra Mardini nga Siria është kampione olimpike e notit.
Aktoria Marlene Dietrich mori titullin “tradhtare” pasi refuzoi të fliste mirë për Nazizmin. Ajo shkoi në Hollivud nga Berlini në 1930-n.
Këngëtarja dhe kantautorja Gloria Estefan u largua nga Kuba pas revolucionit kubanez.
E lindur në Moskë Regina Spektor la Bashkimin Sovjetik pasi përndiqej për shkak të bindjes fetare dhe u vendos në New York.
