Një foto e Kaludia Pepës në Instagram është bërë shkas që moderatorja Albana Osmani të debatojë me ndjekësit e saj.
Balerina publikoi një foto nga shtëpia, ku shfaqej e relaksuar në krevatin e saj të rregulluar. Kjo tërhoqi vëmendjen e moderatores Osmani, e cila tha se Klaudia e ka shtëpinë gjithmonë dritë.
“Gjithmonë e ke shtëpinë dritë lum ti ! Nganjëherë kur shoh timen sikur ka plas lufta e tretë Botërore them me vete merr shembull nga Klaudia hahahahahha Pra po marr një Pastruese”, shkroi Albana.
Por fjala “pastruese” nuk i pëlqeu një ndjekëseje në Instagram, e cila e korrigjoi duke i thënë “merr një grua që të të ndihmojë me punët e shtëpisë” jo “pastruese”.
“Sanitare ! Dhe unë pa të keq e thashë pastruese. Mund të ulem nga dërrasa e zezë pa me gjuajtur me ndonjë thupër”, ia ktheu Albana me ironi.
Më pas reagoi Klaudia Pepa, e cila zbuloi se nga i vjen kjo mania për rregullsi: “Mua më ka ngelur rregulli nga profesioni, se përndryshe do ishim shoqe”.
