“Ndarja” e Adidas me Kanye West, është e kushtueshme. Kompania pritet të humbasë mbi 1 miliardë të ardhura këtë vit.
Konkretisht bëhet fjalë për plot 1.3 miliardë dollarë të ardhura, sepse kompania nuk është në gjendje të shesë veshjet dhe këpucët e stilistit Yeezy.
Pas shpërbërjes së partneritetit të tyre, Adidas kishte njoftuar se do të përpiqeshin të shisnin veshjet e markës Yeezy të zhveshur nga të gjitha logot dhe markat. Ndonëse u përpoqën, CEO i Adidas ka deklaruar se “momentalisht nuk po performojmë ashtu siç duhet”.
Adidas i dha fund partneritetit nëntë-vjeçar me reperin tetorin e kaluar për shkak të komenteve të tij antisemitike. Pasi Adidas ndërpreu lidhjet me Kanye West për shkak të komenteve të tij antisemitike, ish-punonjësit kanë pohuar se reperi u ka treguar stafit pornografi dhe imazhe eksplicite të ish-bashkëshortes Kim Kardashian si një “taktikë frikësimi”.
Një person pohoi se West i tregoi atij një foto të qartë të yllit të realitetit televiziv, 41, gjatë një interviste pune në vitin 2018.
“Gruaja ime sapo ma dërgoi këtë”, dyshohet se i kishte thënë reperi i “Heartless” teksa kishte nxjerrë një foto “shumë zbuluese dhe personale” të Kardashian në telefonin e tij.
Të paktën një ish-punonjës tjetër ka treguar se ka pare një video eksplicite të Kardashian – e cila bëri kërkesë për divorc nga reperi në 2021.
