Edhe pse nëna e saj është deputete e PD-së, politika shqiptare duket se nuk është aspak vendi ku dëshiron të vijojë rrugën, Megi Topalli, vajza e ish-kryeparlamentares Jozefina Topalli.
Megi Topalli ka reaguar në “Facebook”-un e saj personal duke kritikuar situatën politike në vend me politikanë që, sipas saj, janë të gatshëm të tradhtojnë gjithçka dhe gjithkënd.
“James Freeman Clarke ka thënë: “The difference between a politician and a statesman is that a politician thinks about the next election while the statesman thinks about the next generation”. (Diferenca mes një politikani dhe një burri shteti është se politikani mendon për zgjedhjet e radhës, kurse burri i shtetit mendon për gjeneratën e radhës).
Shqipëria, për fatin tonë të keq, ka kaq shumë politikanë. Politikanë pa kurse politike, as ideale, politikanë që janë të gatshëm të tradhtojnë gjithçka dhe gjithëkënd.
Madje edhe veten. Vetëm për të përfituar ose ruajtur një karrige.
Është e trishtueshme të shoh sesa pak vlen besimi që u kanë dhënë shqiptarët politikanëve tanë dhe për sa pak ai shitet dhe tradhtohet.
Është e dhimbshme… Do doja dhe shpresoja që kjo herët a vonë të ndryshojë”.
