Gjithnjë e më shumë meshkujt po kërkojnë një ndryshim të vogël atje-këtu dhe si rrjedhojë shpenzojnë kohën në zyrat e operacioneve plastike. Së fundmi “Shoqëria Amerikane për Kirurgjisë Plastike Estetike” (ASAPS) raportoi se meshkujt që u janë nënshtruar procedurave të kozmetikës janë rritur me 325% në 20 vitet e fundit.
Në vitin 1997, 286,790 meshkuj iu nënshtruan procedurave të estetikës, në vitin 2015 kjo shifër arriti në 1.2 milionë.
Meshkujt u janë nënshtruar 200,000 procedurave kirurgjike, 10% e numrit të totali u shënua në vitin 2015.
Ndërhyrja “liposuction”, një teknikë në kirurgjinë kozmetike për heqjen e yndyrës të tepërt me thithje, është një nga procedurat më të njohura kirurgjikale për meshkujt dhe femrat, por procedurat e tjera që janë duke u bërë më popullore ndërmjet meshkujve: reduktimi i gjoksit të meshkujve për “gynecomastia” (ind i tepruar i gjirit) është rritur me 173% që nga viti 1997. Mes viteve 2014-2015 procedura u rrit me 26%.
Llogaritja e pesë procedurave më të përhapura mes meshkujve janë, operacioni i hundës (30,928 në 2015-n), kirurgjia e qepallës (30,696) dhe tërheqja e fytyrës (13,726).
Mjekja e operacioneve plastike në Sacramento, Deborah Johnson, thotë:
“Kthehemi pas, operacionet plastike bëheshin se ishe i pavlerë ose i pasur. E gjithë kjo ndryshoi për femrat dhe i njëjti ndryshimi nisi të ndodhte edhe te meshkujt. Numri i meshkujve që kërkojnë procedurat e kirurgjisë plastike ende nuk ka arritur të barazohet me femrat, por kjo ka çuar në një lloj të caktuar të barazisë: mundësi të barabarta për të modifikuar trupin. Fusha është përgjigjur”.
Edhe në Shqipëri ky fenomen është përhapur dhe nuk është më tabu. Disa personazhe të njohur shqiptarë kanë marrë vendimin për të ndryshuar diçka në paraqitjen e tyre dhe shpesh kanë vendosur që ta pranojnë hapur.
Getoar Selimi
Reperi i grupit “Babastar” është përfolur prej kohësh se ka bërë dy ndërhyrje, zvogëlimin e veshëve dhe të hundës. Këngëtari ka vendosur që mos të prononcohet për këtë pjesë, por fotot duket se nuk kanë nevojë për fjalë.
Eugent Bushpepa
Këngëtari shumë i dashur për ata që pëlqejnë muzikën “live”, Bushpepa, ka kryer një ndërhyrje në fytyrën e tij: zvogëlimin e hundës.
Princ Vali Corleone
I vetëquajtur Princ, Vali Corleone, bëri bujë pak vite më parë për jetën luksoze. Veç kësaj, ai duket se është tërhequr nga buzët e bëshme dhe ka vendosur që ndërhyrje në këtë pjesë të fytyrës. Nuk është e çuditshme të ketë kryer edhe ndërhyrje të tjera.
Valer Kolnikaj
Modeli i shumëpërfolur për fotot pothuajse nudo dëshironte që të ishte perfekte. Dhe në syrin e tij e vetmja gjë që duket se e “pengonte” të ishte i tillë ishte hunda.
Hermes Nikaj
Ndoshta me këtë emër nuk ju vjen ndërmend, por po t’iu shkruajmë pseudonimin “Zogu i Tiranës” me siguri do t’ju kujtohet për kë e kemi fjalën. Hermes kërkon gjithmonë të thyejë tabutë dhe si i tillë nuk e kishte aspak problem që të pranonte se ka kryer operacion për zmadhimin e buzës.
Sinan Hoxha
Këngëtari është përfolur gjithashtu se ka kryer operacione plastike, veçanërisht për tërheqjen e fytyrës. Përveç fotos nuk kemi asnjë prononcim të tij.
Burimi: Iconstyle.al
