Ata që kanë lindur në vitet ’80-’90 e njohin emrin e saj, por brezin i ri Parashqevi Simaku nuk ia njeh mirë vlerat muzikore. Ikona e muzikës së tre dekadave më parë mbahet mend për portretin e ëmbël dhe zërin prej bilbili si vajzë e re nga Kavaja.
“E mrekullueshme! Ajo u bë shkak që unë të bëja disa këngë të zgjedhura për të. Parashqevija e këndonte muzikën e lehtë, a thua se ishte e specializuar për të, por ndërkohë të nesërmen ajo ta këndonte Qamilen (një këngë popullore), në një mënyrë që të rrëqethte mishin”, është shprehur në një intervistë kompozitori i madh Agim Krajka, disa vite më parë i pyetur në lidhje me të.
Ishte ëndrra amerikane ajo që e largoi artisten e madhe nga Shqipëria në vitin 1992. Peripecitë bën që këngëtarja shqiptare të mos vazhdonte pasionin e saj për muzikës.
Tashmë, Alda Bida, skenaristja e njohur ka zbuluar një foto të rrallë të këngëtares shkrepur në New York në vitin 1995.
Kush është Parashqevi Simaku?
Ajo lindi më 1 shtator 1966, në Kavajë dhe më pas u shpërngul në Durrës. Ka kënduar në shumë festivale dhe koncerte të pranverës. Në vitin 1988 fitoi çmimin e parë të Festivalit të 27-të të Këngës në RTSH me kompozimin e Pirro Çakos “E duam lumturinë”. Pas vitit 1991, ajo u largua në SHBA, duke u marrë edhe atje me muzikën dhe duke nxjerrë një album. Hera e fundit që u shfaq në Shqipëri si këngëtare ishte viti 1996, në Festivalin e 35-të të Këngës në RTSH. Ishte e ftuar speciale. Vite më vonë, ajo shkeli sërish në Shqipëri, por thjesht për vizita private.
