Artistët shqiptarë nuk u kanë shpëtuar prangave, pavarësisht imazhit të tyre. Ndërsa shumë prej nesh kujton incidentet e fundit me të famshmit shqiptarë, ndër vite ata janë bërë objekt skandalesh dhe të implikuar në precedentë kriminalë.
Viktor Zhusti
Viti: 1998
U arrestua: Në janar të 1998-s nga policia pasi u kap me 11 kilogramë heroinë. Për këtë vepër aktori u dënuar me 18 vite burg nga Gjykata Greke.
Koço Devole
Viti: 2003
U arrestua: Në Itali më 9 nëntor 2003, pasi në bagazhet e makinës i janë gjendur 5 kilogramë kokainë. Ai vuajti dënimin me 8 muaj heqje lirie në burgun e Rimini-it dhe u liruar në qershor të atij viti, pasi u shpall i pafajshëm.
Liliana Kondakçi
Viti: 2010
U arrestua: Në Selanik për llogari të drejtësisë italiane, e cila ka dënuar me burg në mungesë këngëtaren shqiptare, nën akuzën e trafikut të lëndëve narkotike. Asokohe, ajo ishte shpallur person në kërkim ndërkombëtar si anëtare e një prej bandave të trafikut të drogës në Itali. Më herët këngëtarja ishte arrestuar në Itali pasi u kap në një stacion treni me 3 kg kokainë në çantën e saj, për të cilën deklaroi se nuk ishte në dijeni dhe se ja kishte dhuruar një fans. Duhet thënë që Liljana Kondakçi ka mohuar gjithmonë akuzat e implikimit dhe ka deklaruar se atë e kanë futur në kurth. Megjithatë artistja e njohur kreu dënimin për trafik kokaine 2 vite e 8 muaj burg në Itali dhe u lirua në Janar të 2013-ës.
Erion Korini
Viti: 2010
U arrestua: Me akuzën e shkaktimit të vetëvrasjes dhe plagosjes së të fejuarës së tij. Mediat asokohe shkruanin se 24-vjeçarja kishte tentuar të hidhej nga kati i katërt i një pallati pasi dhunohej nga i fejuari i saj artist.
Leonard Bombaj
Viti: 2011
U akuzua: Nga një vajzë 15-vjeçare, nxënëse e tij, për akuzën e ngacmim seksual.
Sejfulla Myftari (Cekja)
Viti: 2013
U arrestua: Pasi aksidentoi padashje një banor të Beratit. Aktori u dënua nga Gjykata e Beratit me 9 muaj burg dhe një vit heqje patente. Ky dënim iu konvertu humoristit më 2 muaj burg për shkak të kohës së paraburgimit pasi pranoi akuzën.
Getoar Selimi
Viti: 2015
U arrestua: Për shkelje të rregullave të qarkullimit rrugor (hyrje me të kuqe në semafor), por shoqërimi i tij në ambientet e komisariatit të policisë ka ardhur si shkak edhe i mosbindjes së urdhrit të policisë për të ndaluar.
Kozeta Kurti
Viti: 2015
U ndalua: Në Bergamo pasi dyshohej se kishte vjedhur produkte kozmetike në një supermarket në vlerën 400 euro. Por gazetarja më pas e përgënjeshtroi lajmin.
Rezarta Shkurta dhe Rozana Radi
Në gjyq: Konflikti i nisur në reality show-un ‘Vip Shpija’ në Kosovë do të degradonte në përplasje e dhunë fizike disa muaj më vonë në Tiranë. Rozana do ta akuzonte Rezarta Shkurtën se sëbashku me bashkëshortin kishin ushtruar dhunë fizike ndaj saj dhe pas një procesi të gjatë gjyqësorë, Gjykata e shpalli jo fajtore Rezarta Shkurtën ndaj akuzave të Rozana Radi-it pavërisht se Prokuroria kërkoi 82 orë punë të detyruar.
Arkimend Lushaj, Stresit
Viti: 2012, 2015
U arrestua: Për armëmbajtje pa leje dhe konfrontim me policinë. Ndërsa në vitin 2015 u arrestua për shkelje të rregullave të qarkullimit rrugor.
Ylber Abdullahu, Cozman
Viti: 2016
U arrestua: Pas përleshjes së armatosur me reperat në Kosovë.
Valbona Xeka
Viti: 2016
U arrestua: Pasi iu gjetën 12 gram kanabis në makinë këngëtares së rrymës popullore.
Rigers Rajku, Noizy
Viti: 2016, 2017
U arrestua: Për konfornim me policinë për gjobat e papaguara. Ndërsa në fillim të këtij viti u arrestua pasi u filmua duke qëlluar me armë.
Burimi: Iconstyle
