Stilisti i njohur shqiptar, Ardi Asllani i surprizoi të gjithë me koleksionin e tij të ri “My Albania”, që prezantoi në Nju-Jork. Ata që patën mundësinë të shikonin nga afër koleksionin e tij, arritën të dallonin qytetet shqiptare, të stampuara në veshje.
Asllani bëri një rikthim të bujshëm, ndërsa i solli modës shqiptare një frymë të re dhe atë që i mungonte prej kohësh, vëmendja përtej kufijve.
Stilisti shqiptar pati bashkëpunim me një prej studiove më të njohura të Hollywood-it, “NY Kaufman Studios” për prezantimin e koleksionit të tij.
Por ne mendojmë se ai nuk do të ndalet me kaq! Një nga postimet që na ra në sy së fundmi ishte ai në “InstaStory”.
Stilisti duket se qëndron para derës së emisionit të njohur amerikan “The Tonight Show” që prezantohet nga moderatori Jimmy Fallon. Ndërsa në të shkruan, “A mund ta hap këtë derë?!”. Ardi vendos të mos japë asnjë informacion më shumë, nëse është i ftuari i radhës i emisionit të mirënjohur apo ndodhej në studion e tij për një arsye tjetër.
Burimi: Instagram
