Deputetja e LSI-së, Monika Kryemadhi, gjithmonë na është dukur një grua e fortë. Por si çdo femër edhe ajo ka pasur momentet e saj të dilemave dhe të vështirësisë.
Një nga këto, politikania vendosi që të shprehte gjatë emisionit “Opinion”. Lidhet pikërisht me muajt e parë kur u bë nënë dhe kur sipas saj, “e urrente për vdekje” bashkëshortin Ilir Meta.
Ajo e ka përdorur këtë shprehje për të treguar sesi në atë kohë, kur po përballej me eksperiencën e të qenit nënë për herë të parë, i duhej të merrej dhe me punë të tjera në shtëpi. Të gjitha këto angazhime e mbanin atë larg aktivitetit normal.
“Kur u bëra me fëmijë për herë të parë, unë e urreja Ilir Metën për vdekje. Ky thosha më la në shtëpi, më la pa punë dhe ngela një grua në shtëpi që laja dhe shpëlaja. Burri shëtit, lëviz bën qejf, ndërsa ti çfarë je? Je një skllave që rri në shtëpi”, u shpreh deputetja Kryemadhi.
Monika Kryemadhi dhe Ilir Meta u lidhën në martesë 19 vite më parë, në tetor të vitit 1998. Asokohe, Meta ishte zv/kryeministër socialist në qeverinë Majko, ndërsa Monika kryetare e FRESH-it. Ata kanë tre fëmijë së bashku, dy vajza dhe një djalë: Bora, Besar dhe Era Meta.
