Ajo njihet si një dizajnuese e veshjeve klasike britanike për femra, por pasi arriti suksesin në shkallë ndërkombëtare, Victoria Beckham do të stilojë edhe veshje për fëmijë.
Stilistja 42-vjeçare shfaqet më në formë se kurrë në revistën “Instyle” për numrin e prillit 2017, bashkë me një grup fëmijësh të adhurueshëm. Victoria duket e mrekullueshme dhe tregon anën e saj amësore, teksa luan me fëmijët.
Stilistja është nënë e katër fëmijëve, Brooklyn, 18 vjeç, Romeo 14 vjeç, Cruz 11 vjeç, dhe Harper 5 vjeç. Ajo tregon se për rrobat e fëmijëve frymëzohet nga vetë vajza e saj.
“Marrëdhënia me Harper ka një kuptim të veçantë për mua. Është e bukur, e lehtë, shumë e sinqertë. Ndihem shumë vetja ime”.
Victoria ka bërë një rrugë të gjatë që nga debutimi i saj në “Javën e Modës” në New York në vitin 2008, e cila pa transformimin nga këngëtare në një dizajnuese, pavarësisht se shumë nga industritë e modës kanë qenë skeptik.
“Unë kam një lëkurë mjaft të trashë. Mund të kishte ndodhur edhe më keq. Ata mund të kishin thënë: “Menduam se dizajnet e tua do të ishin mbeturina, dhe kështu qënkan”.
Në të vërtetë, marka e Victoria-s po ecën aq mirë sa që dizajnuesi i njohur Tom Ford, e ka vlerësuar atë për aftësitë e dizajnueses, më tepër se sa me karrierën si pjesë e grupit muzikor Spice Girls.
