Për herë të parë shohim një anë tjetër të Emma Watson! Aktorja, e cila u bë e njohur me rolin e saj Hermiona, në filmin “Harry Potter”, tashmë guxon duke pozuar me gjoksin e saj gjysmë të zbuluar për revistën “Vanity Fair” në numrin e marsit.
Në intervistën për revistën, aktorja Emma Watson shpjegon pse ajo së fundmi nisi të refuzonte kërkesat për “selfie” me fansat. Sipas Emma-s, gjithçka lidhet me sigurinë, diçka për të cilën ka luftuar fuqishëm që me nisjen e karrierës së saj me “Harry Potter”.
“Për mua, është diferenca mes aftësisë për të pasur një jetë apo jo. Nëse dikush bën një fotografi timen dhe e poston, brenda dy sekondave ata kanë krijuar një shënues se saktësisht ku ndodhem unë brenda 10 metrave. Ata mund të shohin se çfarë kam veshur dhe me kë jam. Unë thjesht nuk dua t’ju jap këto të dhëna”, tha Emma.
Aktorja sugjeron se më mirë t’i kërkoni asaj një autograf ose çdo gjë lidhur me “Harry Potter”.
“Duhet të zgjedh me kujdes momentin për të bashkëvepruar. Ndryshon kur jam një yll dhe kur duhet të gëzoj javën e dikujt. Fëmijëve nuk u them jo, për shembull”, sqaron Watson.
Ajo sqaron se beteja e saj për privatësinë dhe sigurinë ka qenë më e vështirë se disa aktore të tjera, përpara saj: “Nuk dua të them që ata e kanë pasur të lehtë, por me mediat sociale është një botë komplet e re. Teknologjia ka ndryshuar lojën… Privatësia për mua nuk është një ide abstrakte”.
Emma gjithashtu jep disa detaje për të dashurin e saj në intervistë.
“Duhet të përputhem me atë që them: Nuk mund të flas për të dashurin në një intervistë dhe të pres që njerëzit të mos më bëjnë foto të fshehta duke ecur në shtëpi. Nuk mund t’i kesh të dyja rrugët e kundërta”.
Burimi: Cosmopolitan
