Dorë për dore, Princ Harry dhe e dashura e tij aktore Meghan Markle ecën përgjatë rrugëve të Londrës, ndërsa thashethemet për një fejesë të afërt po shtohen.
Princi u fotografua me aktoren e divorcuar më parë, e cila ka kaluar shpesh kohën në Kensington Palace gjatë këtij viti, pas një darke romantike te klubi Soho House, të mërkurën.
32-vjeçari Harry thuhet se ishte i qetë që po fotografohej me të dashurën e tij të re, që është parë si një shenjë se sa seriozisht po e merr ai marrëdhënien.
Një tjetër e dhënë është që 35-vjeçarja Markle, e cila jeton në Kanada ku edhe xhiron shfaqjen televizive “Suits”, ka gjetur një kujdestare për qentë e saj, Guy dhe Bogart, të cilët jetojnë me të në Toronto.
Sipas burimeve, ajo dëshiron që të kalojë sa më shumë kohë që të mundet në Londër me nipin e Mbretëreshës, para se të rikthehet për filmimet në mars.
Tashmë Markle është bërë shumë e kujdesshme lidhur me gjërat private që publikon në rrjetet sociale.
*Shfleto galerinë
Burimi: Daily Mail
