Nuk duam ta besojmë, por hiti i fundit i këngëtarit Ed Sheeran “Shape of You” nuk është origjinale. Ed ka gjetur frymëzim tek kënga e vitit 1988 të britanikes Tracy Chapman.
“Shape of You” është e ngjashme me “Mountains O’Things” dhe kjo gjë nuk ka lënë pa u vënë re edhe nga fansat e këngëtarit. Ai që foli hapur në media duke krahasuar dy këngët ishte prezantuesi Chris Evans, i cili i vuri hitet ballë përballë njëri-tjetrit në transmetim live në emisionin e tij “Breakfast Show”.
Qindra fansa janë hedhur në rrjetin social “Twitter”, duke shprehur mendimet e tyre nëse melodia e kësaj kënge është apo jo e vjedhur. Disa kanë treguar opinionet e tyre se hiti “Shape of You” është krejtësisht i ngjashëm më “Mountains O’Things”, ndërsa disa të tjerë në mbrojtje të Ed Sheeran thanë se ai thjesht është frymëzuar nga këngëtarja dhe tekstshkruesja 52-vjeçare, Tracy Chapman dhe asgjë më shumë.
Po ju dalloni ndonjë ngjashmëri?
