Një shprehje e thënë gjatë marshimit për mbrojtjen e të drejtave të grave, po i kushton rëndë Madonna-s. Gjatë fjalimit të saj, diva e muzikës pop u shpreh se kishte menduar ta hidhte në erë Shtëpinë e Bardhë.
“Po, kam patur një ide të tmerrshme për të hedhur në erë Shtëpinë e Bardhë, por e di që kjo nuk do të zgjidhë asgjë. Ne nuk duhet t’i humbasim shpresat”, u shpreh Madonna.
Por duket se kjo deklaratë është bërë shkak që Madonna të hetohet pasi sipas disa raportimeve, Shërbimet Sekrete amerikane kanë vendosur të hetojnë këngëtaren rreth mendimit të saj për të hedhur në erë Shtëpinë e Bardhë.
Mbretëresha e muzikës pop vendosi që të përdorte “Instagram”-in për të thënë se në fakt ishte një “metaforë”.
“Ishte metaforë dhe ndava dy mënyra të të parit të gjërave – njëra ishte për të qenë me shpresë dhe tjetra për t’u ndjerë e zemëruar dhe e shtypur, mënyra që jam ndjerë dhe unë. Gjithsesi zbulova se të veprosh e zemëruar nuk të zgjidh asgjë. Dhe e vetmja mënyrë për t’i ndryshuar gjërat për mirë është ta bësh atë me dashuri”, shkruan Madonna.
Burimi: Daily Mail
