Vetëm pak orë pasi u betua si President i Shteteve të Bashkuara të Amerikës të premten, Donald Trump nisi menjëherë të bënte ndryshime dekorative në Shtëpinë e Bardhë.
Zyra Ovale u ridekorua nga Trump, ku perdet e kuqe të vendosura nga Barack Obama, u zëvendësuan nga perdet floriri. Ndryshimi u dallua fillimisht kur Trump u ul në tavolinë për të nënshkruar urdhrin e Obamacare dhe memorandumet e tjera pas veprimeve të parë që bëri si president.
Përveç ndryshimit të perdeve, manjati i pasurive të patundshme “hoqi qafe” edhe një tapet të vendosur nga Obama që kishte shprehje nga ish-liderët, përfshirë Martin Luther King dhe katër ish-presidentë.
Qilimi u zëvendësua me një tjetër ngjyrë floriri dhe të verdhë në formën e reve, të rrethuar me dizajnin e kurorës, e cila është modeluar nga Laura Bush gjatë presidencës së bashkëshortit të saj, pasi thuhet se Bush ka kërkuar që të ketë një të tillë, që shpreh shpirtin e tij të optimizmit.
Duket se edhe kolltukët brenda zyrës historike janë zëvendësuar me copë mëndafshi ngjyrë floriri nga kamoshi gri.
Miliarderi njihet për dashurin e tij ndaj dizajnëve floriri, kur flitet për dekorimin e interierëve. Por nuk dihet nëse ai do të sjellë ndryshime me përfshirjen e floririt.
Gjithashtu busti i Winston Churchill, i krijuar nga një skulptor i njohur i pas-luftës britanike, Jacob Epstein, i njohur si një nga dy versionet identike, është zhvendosur në Zyrën Ovale nga Zyra e Traktatit.
Në 2015-n në një intervistë për “People”, Trump tha se nuk do të bënte shumë ndryshime brenda ndërtesës.
Burimi: Daily Mail
