Këngëtarja Greta Koçi ka folur për herë të parë për ndërhyrjet që ka bërë në fytyrë. Në një intervistë për INtv ajo është shprehur se ka shkuar “si cjapi te kasapi”, për të bërë hundën, ndërkohë që kirurgu është çuditur për vendimin e saj për ta bërë hundën.
Edhe pse nuk ka pasur nevojë, Greta thotë se ka qenë një fiksim për të arritur perfeksionin. Ndërhyrja e dytë është tek vetullat, për të cilat Greta thotë se janë estetike.
Ajo është bërë e famshme që në moshën 13-vjeçare ku realizoi duetin me këngëtarin Erjon Korini me këngën “KUSH KA FAJ” e cila pati sukses të madh.
Në vitin 2005 mori pjesë në festivalin e Këngës Magjike 2005 me këngën “KAM MALL” të kompozuar nga Flori Mumajezi dhe tekst të Turian Hyskës.
Më 7 tetor 2006 fitoi çmimin e pare në festivalin: Mikrofoni i artë, me këngën: “FOLI DJALIT” të kompozuar nga Genti Lako.
Përveç zërit të saj, Greta Koçi e ka bërë publikun për vete për shume arsye. Mosha e saj dhe dukja fizike diskutoheshin shumë, aq sa u kthye në batutë shprehja “ka 16 vjet që thotë jam 16 vjeç”.
Duke qenë se ajo është prezantuar për publikun në moshë shumë të vogël, rritja dhe kalimi i viteve bënë që këngëtarja të diskutohet shumë për ndërhyrjet dhe operacionet plastike.
E vendosur në qendër të kritikave të mediave për ndërhyrje të shumta plastike në fytyrë, këngëtarja Greta Koçi ka reaguar shpesh herë duke hedhur poshtë çdo lajm.
Edhe pse në disa dalje televizive ajo ka pranuar se ka bërë ndërhyrje në hundë dhe në buzë, ajo ka publikuar shpesh herë foto nga fëmijëria për të treguar se nuk ka ndryshuar aspak. Megjithatë tani që karriera e saj është konsoliduar dhe Greta ka krijuar një imazh të sajin në publik, ajo pranon se ndërhyrjet i ka bërë për hir të paraqitjes skenike edhe pse nuk ka qenë e nevojshme. (Min 16:20).
