Nje ngjarje tepër e rëndë ka tronditur qytetin e Elbasanit ditën e sotme, ku një 15-vjeçar ka humbur jetën në rethana tragjike. Sipas informacioneve të policisë, dyshohet se i mituri ka konsumuar fostoksinë, një substancë shumë e rrezikshme, shpesh fatale në rastet e helmimit.
I riu u dërgua fillimisht në Spitalin Rajonal të Elbasanit në gjendje të rëndë shëndetësore, por për shkak të përkeqësimit të menjëhershem të gjendjes së tij, mjekët morën vendim për ta transportuar urgientisht në Qendren Spitalore Universitare “Nënë Tereza” në Tiranë. Pavaresisht përpjekjeve maksimale të stafit mjekësor, 15-vjeçari nuk mundi të mbijetonte.
Në njoftimin e Policisë së Elbasanit thuhet:
“Elbasan/ Në Spitalin Rajonal Elbasan është dërguar për mjekim një 15-vjeçar, i cili më pas është dërguar në QSUT, por pavarësisht ndërhyrjeve mjekësore, ai ka humbur jetën. Nga veprimet e para hetimore dyshohet se 15-vjeçari ka konsumuar fotoksinë. Materialet procedurale për rastin iu referuan Prokurorisë, për vlerësim.”
Kjo është ngjarja e katërt tragjike e regjistruar gjatë ditës së sotme, duke rënduar edhe më shumë atmosferën e tensionuar dhe të trishtë në vend. Kujtojmë se një 21 vjeçar në Divjakë u vetëhelmua, një 35-vjeçar i dha fund jetës pas dëmtimeve me mejt prerës, teksa një i moshuar u gjend pa shenja jete në Tiranë në një kanal.
