Një ministre gjermane refuzoi të veshë hixhab gjatë një vizite në Arabinë Saudite. Për këtë ajo e kishte edhe shpjegimin! Ministrja gjermane e Mbrojtjes, Ursula von der Leyen, tha se femrat duhet të kenë të njëjtën të drejtë si meshkujt për të zgjedhur veshjet e tyre.
Vizita e saj erdhi një javë pasi kancelarja Angela Merkel bëri thirrje që burkat të ndalohen në Gjermani.
Von der Leyen ishte në kryeqytetin saudit Riad për të takuar princin Salman bin Abdulaziz Al-Saud, ku ajo shprehu pakënaqësinë e saj se femrat duhet të mbulohen.
Por kjo shkaktoi zemërim në shtetin konservator, ku përdoruesit e rrjeteve sociale bënë thirrje që ajo të arrestohet. Kjo vjen në një javë kur një grua saudite u arrestua se hoqi ferexhenë në publik.
Ministrja gjermane në vend të ferexhesë kishe zgjedhur një kostum blu të errët për takimin zyrtar. Menjëherë pas kësaj nisën komentet në rrjetet sociale, ku dikush u shpreh: “Pse nuk e arrestuan atë atëherë? Hipokrizi dhe me dy standarde”.
Një tjetër shkruante: “Ministrja gjerman e Mbrojtjes: Ishte e qëllimshme që nuk veshi hixhabin në Arabi. Kjo është një fyerje për Arabinë Saudite!”. Ndërsa foli për refuzimin e saj që të vishej sipas traditës vendase, ministrja ishte shprehur: “Askush nga delegacioni im nuk duhet të veshë burka. E drejta për të zgjedhur veshjet tuaj është një e drejtë e barabartë për meshkujt dhe femrat. Më bezdis mua, kur gratë detyrohen të veshin burka”.
Po ju, pasi lexuat zëra nga të dyja palët, mendoni se veprimi i saj ishte i duhuri?
Burimi: Daily Mail
